ઉશનસ

રામની વાડીએ

રામની ભોંયમાં રામની ખેતરવાડીએ જી

આપના નામની અલગ છાપ  ન પાડીએ જી .

જગને કોક ચબૂતરે વેરી રામધણીની જુવાર,

તે પર પાથરી બેઠો તું તો ઝીણી પ્રપંચની જાળ,

ધર્માદા ચણથી પંખી ન ઉડાડી એ જી. રામની.

રામની વાડી ગામ આખાની , હોય ન એને  વાડ,

બાંધ જો તારું ચાલતું હોય તો આભને આડી આડ;

વાડ કરી આ ક્ષિતિજ ના વણસાડી એ જી. રામની..

રામની વાડી ભોગવવી ભાઈ , હકનાં પાઈ નીર ,

સૌને વ્હેંચી ચાખવી આપણે રામના ફળની ચીર;

આપણા ભેગાં સૌનાં ભાણા  માંડીએ જી.રામની .